''Na vota nce stevano tre cacciature. Ièttero a caccià: uno co' 'a scuppetta rotta, 'n'ate co' 'a scuppetta scàrreca, e 'n'ate senza 'o teniere. Verettero 'nu lepre scappato, pigliavano 'a scuppetta scàrreca e accirettero 'o lepre scappato. 'O iettero a còcere 'a Taverna 'e nisciuno. Chiammàvano:
- Oi nisciuno! Oi nisciuno!
Respunnette chi nu' ci steva:
- Vuie che bulite?
- Cociaci 'stu lepre scappato!
Pigliava 'nu tiano sfunnato e cucettero 'o lepre scappato. S' 'o mangiavano e, doppo mangiato, a uno 'e chillo le venette 'o dulore 'e trippa, arrete 'a curella. Ièttero a truvà 'nu miereco 'ngopp'a 'na muntagnella. Rice:
- Signor merico, a chisto l'è benuto 'nu rulore 'e trippa arrete 'a curella: c'avimme ra fa?
- Rice:
Pigliate 'e uocchie tavàne, 'e stentine 'e frummìcole: 'e metti rinto a 'nu bicchiere vuote vuote vuote e po' t''o mine 'nganno.
A la fine po' se muore, muore; e se campa campa…… piglia 'a purcària e 'a mena 'nganno!