Nci steva 'na vota 'na fémmena prèna, chi steva sempe
malata. 'No juorno, chiam- mavo 'o miedico e dicivo ca voleva 'na cura pe' sta' bona. 'O miédico risponnìvo ca nci voleva 'na menèsta de petrosini ogni ghiuorno, e accossì ssi poteva sanà.
Accanto 'a casa 'e 'sta fémmena nci steva 'o giardino 'e l'Uorco, e dinto nci stévano tanta belli petrosìni. Essa penzavo ca chilli erano buoni, e sempe sse 'e ghiéva a còglie.
E 'no juorno, e dui, finalmente l'Uorco sse n'addonàvo, e dicivo:
- Io haggia vedé chi è ca ssi vène a coglie tutti i petrosini mmii pigliavo 'no gallo, e 'o mettivo a guardia d' 'o giardino, e li dicevo - Statti lloco. Quanno vidi quacche dùno chi ssi cogli i petrosini, tu canta, ca i' subbito vengo.
'Sta femmena 'o sapivo e, quanno fu 'a notte, ssi portavo 'no poco 'e granodìnio; e, quanno 'o gallo accominciàvo a cantà, essa li menavo 'o granodìnio, e chillo ss''o mangiavo e ssi stivo zitto.
'A matina, l'Uorco trovavo mancante 'n'auta vota i petro- sini e dicivo:
- Mo' nci metto a guardia 'na vacca e vedimo chi è.
'Sta femmena, 'a notte, li portavo 'no poco d'erba. 'A vacca ss' 'o mangiavo; e non allucàvo.
'A notte appriesso, l'uorco nci mettivo 'no ciuccio; e li dicivo:
- Statti attiento! Quanno vene quacchedùno, tu arràglia forte, ca io ti sento, e vengo.
'A femmena, com' 'o solito, sapeva tutto e ssi portavo 'no poco de fieno. Quanno 'o ciuccio 'a vedivo, accominciàvo a raglià; essa pigliavo 'o fieno e l'appilàvo 'a vocca.
Chillo povero Uorco steva disperato, pecchè vedeva ca no' nci poteva arrivà, e dicivo:
- Io haggio mettùto a guardia a lo giardino 'o gallo, 'a vacca e 'o ciuccio; e nisciuno mm'ha saputo vedé chi era. Mo' mmi nci metto io; e vedimo, si 'a scappa.
Scavavo 'no fuosso, e ssi nci mettivo dinto, ca no' nzi vedeva nienti. Sulo 'na recchia 'a rimanìvo 'a fore, pe' sentì quanno venéva gente. Quanno fu 'a notte, 'a femmena jìvo, no' vedivo nisciuno a guardia. Ssi mettivo a coglie; e ssi coglivo tutti i petrosini. Quanno steva pe' sse ne ì', ssi sentivo move 'na cosa sottaz i piedi; calavo 'a lucerna chi teneva 'mmano, e dicivo.
- Che bello fungo, mm' 'o voglio proprio coglie.
Pigliavo 'o cortiello e ss' 'o steva cogliènno.
L' Uorco subbito ss'azàvo e dicivo:
- Birbante mariola; tu si' stata; mo' t'haggia accìde.
Ma po' ss'addonavo, ca era prena, dicivo:
- Io te ne manno, senza fa' nienti, c' 'o patto, ca, quanno sgravi, 'sta figlia 'a voglio io; e l''a ha mette' nome Petrosinella.
'A fémmena li divo 'a parola, ca, quanno era fatta grossecèlla, nce la mannava. 'Ncapo 'e tiempo 'sta femmena sgravàvo, e fece na bella piccirella e li mettivo nome Petrosinella. 'O marito l'addommannàvo:
- Pecchè li metti 'sto brutto nome?
E essa li contavo 'o fatto, e li dicevo ca quanno era cchiù grossa sse l'aveva piglià l'Uorco. 'Sta figlia ssi fece grossa, e ghiéva a scola; l'Uorco, quanno 'a vedeva, li diceva sempe:
- Di' a màmmeta, si mmi vo' da' chella cosa. 'A figlia 'o diceva 'a mamma; e 'na vota, e doje, finalmente 'a mamma dicivo:
- Dincèllo ca quanno 'a trova, che ss' 'a piglia. 'Sta figlia 'a matina passavo 'n'auta vota, e l'Uorco li dicivo:
- Mm' 'a pozzo piglià? Che t'ha ditto màmmeta?
- Ha ditto che v' 'a pigliàti.
L'Uorco scennìvo, e ss''a pigliavo. E li voleva tanto bene; e, pe' paura ca ss''a arrubbavano, no' la faceva ascì mai. L'aveva dato tre segge: una d'oro, 'n'auta d'argiento e 'n'auta de brillanti; e li dicivo:
- Quanno stai allegra, t'assìtti 'ncoppa a chella 'e brillanti; quanno stai malata, ncoppa a chella d'oro, e quanno stai afflitta, 'ncoppa a chella d'argiento; e accossì io subbito mme n'addòno.
Essa accossì faceva. 'No juorno, l'Uorco escìvo; e, quanno ssi ritiravo come 'o solito, Petrosinella li calava 'e trecce e isso sse ne saglieva p' 'a finesta. 'Sta vota chiama:
- Petrosinella, Petrosinella, cala le trecce, ca voglio saglì! E nisciuno risponneva.
Isso chiano chiano saglie 'ncoppa, e no' trova nisciuno, e 'a casa tutta sfrattata. Ss'affacciàvo 'a finesta e vedivo Petrosinella chi se ne fojéva c' 'o figlio d''o Re. Accominciàvo a chiamà, e chiama e chiama e nisciuno ssi votava.
L'Uorco, disperato ssi menavo 'a coppa abbascio e morivo.
Cuccurucù, no' nce n'è cchiù.