Nci steva 'na vota 'no gallo e 'no sòrece. 'No juorno, 'o sòrece dicìvo vicino a 'o gallo:
- Compà gallo, nci volìmo ì' a fa' 'na mangiata de noce 'ncopp' 'a chill'albero?
- Come vuo' tu.
E sse ne ièttero tutti dui 'a sotta a chill'albero. 'O sòrece ss'appizzicàvo sùbbito sùbbito, e saglìvo 'ncoppa; e accomminciàvo a mangià. 'O povero gallo accom- minciàvo a volà; e vola e vola, e mai non arrivava addo' steva 'o sòrece. Quanno védde ca no' nci steva speranza de puté saglì, dicìvo:
- Ohi còmpa sòrece, sa' che buo' fa'? Menamménne una.
'O sòrece jìvo pe' nce ne menà una e li cuglìvo 'nfronte. Chillo povero gallo, co' 'a capo rotta, tutta chiena 'e sango, sse ne jìvo addo' 'na vecchia:
- Zi' vecchia, dammi doje pezze, pe' mme sanà 'sta capo.
- Si mmi dài dui pili, ti davo 'e pezze.
'O gallo sse ne jìvo addo' 'no cane:
- Cane, dammi pili, pili portare vecchia, vecchia dare pezze, pe' sanà la capo mmia.
- Ssi mmi dài 'no poco 'e pane, io ti davo i pili - dicìvo 'o cane.
'O gallo sse ne jìvo add' 'o fornàro:
- Fornàro, dammi pane; pane dare cane; cane dare pili; pili portare vecchia; vecchia dare pezze, pe' sanà la capo mmia.
- Si? Io ti deva 'o pane a te, senza ca tu mmi portavi doje legne! - risponnìvo 'o fornàro.
'O gallo sse ne jìvo a 'o bosco:
- Bosco, dammi doje legne; legne portare fornaro; fornaro dare pane; pane dare cane; cane dare pili; pili portare vecchia; vecchia dare pezze, pe' sanà la capo mmia.
'O bosco risponnìvo:
- Si mmi puorti 'no poco d'acqua, ti davo doje legne.
'O gallo sse ne jìvo a 'na fontana:
- Fontana, dammi acqua; acqua portare bosco; bosco dare legne; legne portare fornaro; fornaro dare pane; pane dare cane; cane dare pili; pili dare vecchia; vecchia dare pezze, pe' sanà la capo mmia.
'A fontana li dìvo l'acqua; l'acqua 'a purtavo a 'o bosco; 'o bosco li dìvo 'e legne; 'e legne 'e portavo a 'o fornaro; 'o fornaro li divo 'o pane; 'o pane 'o portavo a 'o cane; 'o cane li divo i pili; i pili 'e portavo 'a vecchia; a vecchia li divo 'e pezze; e 'o gallo sanavo la copo s?????A+soja.

Cuccurucù,
no' nce n'è cchiù.