'Na vota nci steva 'nu figlio 'e Re. Piglia, chisto s'annammuràva 'e 'na figliola. Che- sta no' 'o vuleva e no' 'o vuleva, ma po', doppo averle fatto passà tanta cosa, s''o pigliava. Spusàieno e tutto. 'O figlio r' 'o Re ricètte vecino 'a mugliera:
- Tu, se vuò fa' vita felice cu' me he' a sta' sett'anne fora 'stu barcone, a chiàgnere sempre; si no, pover'a te!
Chella puverella se n'ascètte fora 'o barcone, e chiagnéva, chiagnéva. 'Ncapo 'e sette anni, ca s'ièra fatta secca secca, se ne trasètte. Piglia, 'o marito li sputa 'nfaccia e rice:
- Puh! Pe' n'òmme he' fatto chesto! E mo' vattene pure a rinto 'a casa mia.
'A povera fémmena se ne va e si mette 'ncammino. Pe' bia scuntàva 'e fate:
- Bella giovine, che bai facènne, pecché stai accussì secca?
Chella ce recètte tutta cosa. Piglia, 'e fate rispunnèttero:
- Isso chesso t'ha fatto? Mo' ci 'o birìmme nuie. Mo', vieniténne co' nuie.
'A facèttero arrivintà 'na bella giovine, e s''a purtavano cu' loro. Fravicàrono 'nu bellu palazzo iusto rimpetto addo' steva 'o figlio r''o Re, e là si mittèttero loro 'nziemme cu' chella. Si truvava affaccià 'o figlio r' 'o Re, 'a vere e, senza canoscere chella chi era e chi non era, se n'annammòra e dicette 'a mamma ca fosse iùta là a farce 'a 'mmasciàta. 'A mamma nu' ci vuleva ì', pecché iéssa ièra Regina, e nun si puteva abbascià 'a tanto; ma 'o figlio tanta 'a priàva, fino ca ci 'a facette ì'. Chesta iètte là. Tuppitiàva 'a porta, ascètte 'na fata, rice:
- Vuje chi vulìte?
- Aggi' 'a parlà cu' chella figliola che sta lloco.
- E buie chi site, c'avite 'a parlà cu' chella?
- Songo 'a Regina
- E ghiatevénne, ca nu' po' ascì!
Chesta, tutta murtificata, se ne iètte addo' 'o figlio, rice:
- M'hé fatto avé chesta sciorte r'affrùnto! Chella nun l'hanno vulute fa' ascì manco.
- No, mammà, no, vuie ci avite ì' 'n'ata vota, e l'avite purtà chella curona 'e perle.
- Figlio mio, tu mi vuò fa' avé 'n'ato affrùnto a me.
- No, mammà, vuie ci avìte ì'.
'A mamma ci iètte, va llà e ièsce chella giovine, rice.
- Vuie chi vulìte?
'Na vota nci steva 'nu figlio 'e Re. Piglia, chisto s'annammuràva 'e 'na figliola. Che- sta no' 'o vuleva e no' 'o vuleva, ma po', doppo averle fatto passà tanta cosa, s''o pigliava. Spusàieno e tutto. 'O figlio r' 'o Re ricètte vecino 'a mugliera:
- Tu, se vuò fa' vita felice cu' me he' a sta' sett'anne fora 'stu barcone, a chiàgnere sempre; si no, pover'a te!
Chella puverella se n'ascètte fora 'o barcone, e chiagnéva, chiagnéva. 'Ncapo 'e sette anni, ca s'ièra fatta secca secca, se ne trasètte. Piglia, 'o marito li sputa 'nfaccia e rice:
- Puh! Pe' n'òmme he' fatto chesto! E mo' vattene pure a rinto 'a casa mia.
'A povera fémmena se ne va e si mette 'ncammino. Pe' bia scuntàva 'e fate:
- Bella giovine, che bai facènne, pecché stai accussì secca?
Chella ce recètte tutta cosa. Piglia, 'e fate rispunnèttero:
- Isso chesso t'ha fatto? Mo' ci 'o birìmme nuie. Mo', vieniténne co' nuie.
'A facèttero arrivintà 'na bella giovine, e s''a purtavano cu' loro. Fravicàrono 'nu bellu palazzo iusto rimpetto addo' steva 'o figlio r''o Re, e là si mittèttero loro 'nziemme cu' chella. Si truvava affaccià 'o figlio r' 'o Re, 'a vere e, senza canoscere chella chi era e chi non era, se n'annammòra e dicette 'a mamma ca fosse iùta là a farce 'a 'mmasciàta. 'A mamma nu' ci vuleva ì', pecché iéssa ièra Regina, e nun si puteva abbascià 'a tanto; ma 'o fig
- 'O figlio mio v'ha mannato chesta curona 'e perle.
- Uh! iusto, iusto 'e pulle no' avevano che si mangià! Sciurisciù! Sciurisciù!
Sfronne 'a cullana e la dà 'nnanzi 'e pulle. Si ni va 'a regina, va 'nfaccia 'o figlio:
- M'hé fatto avé 'nu sicondo affrùnto! Comme? chella ha sfrunnàta 'a curona e ha rato a mangià 'e pulle.
- Mammà, vuie ci avìta ì' 'n'ata vota, 'e l'avite purtà 'a curona r' 'a capa mia.
- No, figlio mio, cheste po' levetélle 'a capa, ca nu' po' ièssere proprio. Mo' nu' ci vaco e nu' ci vaco! Che n'è ditto? 'Na Regina ha d'avé tant'affrùnto, e a chi po'?
- No, mammà, si nu' ci iàte, i' moro.
'A mamma ci iètte. Ièsce n'ata vota chella figliola; piglia, 'a Regina le prisente 'a curona:
- Iusto, iusto: vué mitte chesta 'ngoppa 'o fuoco ca ci manca 'o trèbbite.
Pinzàte chella puverella comme se n'avètte ì'. Va addo' 'o figlio, rice:
- Mo' nu' mi stunà chiù. Nu' boglio sentì niente chiù! Me ne fatt'avé nun una e nu' doie… nu' mi rìcere niente chiù mo'!
'O figlio le mannàva 'n'ata vota 'a 'mmasciata. Piglia, chella li mannava 'a dìcere ch'avesse fatto 'nu ponte 'e sciùre ra ro' steva iéssa, fino addo' isso, picché iéssa camminava pe' là 'ngoppa e ci iéva. Si facette 'stu ponte, e chella stev'iènne. Quanno fuie 'a mità, rice:
- M'è ghiuto 'na pogne sotto 'o pere, nu' pozzo camminà chiù.
E si ne torna. 'O figlio r''o Re mannàva a dìcere ca l'aveva fatto fa tanta spesa, e po' nu' ci vuleva ì' chiù. Iessa rispunnètte ca l'avesse fatto 'nu ponte 'e cristallo, ca certa ieva. Chillo 'o facette. Iessa va. Quanno arrivava 'mmiezo:
- Mi so' tagliato 'o pero!
E se ne torna 'a ghì'. 'O figlio r''o Re manna 'n'ata vota, ricènne ca isso s''a vuleva spusà. Piglia, chella li manna a dìcere:
- Recìte accussì a 'o figlio r' 'o Re ca tanno mi piglio a isso, quanno ha fatto ittà 'o banno ca isso è muorto, e po' muorto accussì s'ha da méttere rinto 'o scutìllo ha da passà pe' sott''a finesta r' 'o Re.
Ritto e fatto, 'o figlio r' 'o Re fa iettà 'o banno ca isso iera muorto, si mette rinto 'o scutillo e 'o stévano purtànne 'a chiesa, quanno passava pe' sott'a finesta 'e chella figliola, iessa le sputa 'nfaccia:
- Puh! Pe' 'na ronna he' fatto chesto!
Isso allora si fa seguità 'a purtà 'a chiesa, po' se ne scénne e ba 'a casa soia, rice:
- Ah! tu, tu sive!
- Embè, tu 'o faciste a me, i' l'aggio fatto a te.
- E comme sì' fatta accussì bella?
Chella le cuntava tutte cose, e stettero felice e cuntente.

E cucchericù
se 'o vulite chiù bello, v' 'o ricìte vuie!