Na vota nge steva no re e na regina che tenevene na figlia cchiù bella re lo sole. Morette la mogliera e lo re se tornava a nzurà e se pigliava na femmena brutta; nascette na guagliotta cchiù brutta re la mamma. La matréia voleva bene a la figlia brutta e a la bella no la poteva veré. No iuorno, la matreia ricette a la figlia bella re ìne a la funtana a ghiénche na mescetòra r'acqua. La bella se mettivo la mescetòra ncapo e iette a la funtana. Mènte ca steva renghènne, na fata le ricette:
- Me vuoi fa véve rinto a ssa mescetòra?
La bella la facette veve, e la fata le ricette:
- Ogni bota ca parli anna ascìne ra la vocca toia birlanti e diamanti!
La bella se mettette la mescetòra ncapo e se ne tronava a la casa. Mènte ca voleva parlà, accominciarono ascìre ra la vocca birlanti e diamanti. Le ricette lo fatto, e la matreia mannava pure la figlia brutta. Mènte ienghéva la mescetòra, ascètte na fata ca le recètte:
- Me vuoi fa véve rindo a ssa mescetòra?
- No, lo' è la funtana e bivi, si sienti seta.
La fata ricette:
- Ogni vota ca parli, anna ascìne ra la vocca toia lacertele e serpienti.
La brutta tornava a la casa chiangènne, e mènte ca la mamma la voleva addommannà, ascérene ra la vocca re la brutta serpienti e lacertele. La mamma corrette rindo a la cammera re la bella e l'accominciava a taccherià. La bella se ne scappavo rindo a no deserto. Camina, camina, arriviava a no cangieddo, trasètte rindo, l'acchiappavo la mamma draia e la portava rindo a na cammera, addo' stévene tante guagliotte e guaglionciéddi ca pazziàvene. Na notte le combarètte na fata, e le ricette:
- Crai, la mamma draia vène pe te mangià. vLa bella se mettette a chiane, e la fata le ricette:
- Te st'aniello: quanno véne la mamma draia pe ve mangià, ve racìti la mano e accommingiati a cantà:

Aniello aniello, aiutece tu,
aniello aniello, aiutece tu.

La bella accussì facette, e ogni bota ca iéva la mamma draia non se re poteva mangià. La mamma draia pe paura ca non se ne scappàvene, mettette pe guardiano na lupa; le racètte n'aniello e ricette:
- Quanno viri na bella guagliotta, nge rai s'aniello e te fai ra' quiddo ca tène a lo rito.
Ma la bella non nge lo volette ra'.
N'ata notte comparètte la fata, e le racètte nato aniello e le ricette:
- Quanno la lupa vole l'aniello, tu nge rai quisto.
La bella accussì facette e tutti, guagliuni e guagliotte, arreventàrene lupicieddi, e la lupa arreventàva cristiana. Iette la mamma draia e sentenne n'addore re carna, cor- rette e, berènne la lupa, se la mangiava. La mamma draia s'abbelenàva e morette, e tutti se ne iérene a re case loro. La bella non se ne poteva ìne, si no la matréia l'ac- ceréva. Se mettette ngoppa a lo barcone e cantava. Passava lo figlio re lo Re e, berènnela accussì bella, se la sposava.