'Na vota nc'erano 'no marito e 'na mogliera ca non tenévano figli. 'No iuorno, lo marito che era pescatore, scontàvo 'no mago che le ricette:
- Avrai 'no figlio, ma a 7 anni me l'ai da'.
Nascette lo figlio e mente 'no iuorno ieva a pescà co lo patre, ascètto 'sto mago e arrecordàva la promessa. Ma comparette a chisto momento la fata Colina e facette scomparì lo guaglione, e sse lo teneva co essa. Arrivato a vint'anni, la fata Colina se lo voleva spusà; allora lo giovane chiese lo permesso re se fa' ì' a benedice ra lo patre e ra la mamma. La fata Colina nce lo racètte e le raccomannàva re non se fa vasà ra la mamma, si no sperdeva la via. Le racette pure 'no pare re stuvali; sulo che riceva: Stuvali mitti tavola, ascéva tutto quello che voleva. Camina e camina, arrivava a 'no pagliaro addo' stevano 'no marito e 'na mogliera poverielli. Tozzelava e la ronna, 'ra la voce, s'accorgette che era lo figlio; ma lo marito riceva re no. Lo giovane trasette e tutti e ddui lo volevano vasà, ma isso s'arrecordava re quello che l'aveva ritto la fata Colina, e non sse volette fa vasà. La matre, però, mente ca lo figlio rormìva, lo vasavo. Lo figlio se svegliava e ricette:
- Ch'ai fatto, mamma! mo' non pozzo truvà cchiù la via pe' turnà ra la fata Colina.
Se facette ra' la santa benedizione, e se mettette 'cammino. Arrivava a 'na cappella, addo' faceva penitenza 'no remito ra cient'anni, e l'addomannava la via pe' ghì' dalla fata Colina. Lo remito lo risponnete c'aveva ì' a la casa re li sette vienti. Lo giovane 'nce iette e trovavo sulo la mamma re li vienti, ca lo verette accussì bello e sse lo voleva mangià; ma poi n'avette cumpassione e ricette:
- Mìttette sotto a 'ste matarazze, si no arrìvene fìglimi e te mangiano.
S'arreteràrono li sette vienti e ricévene ca sentevano addore re cristiani. Po' accomin- ciarono a raccontà tutto quello c'avevano fatto: chi aveva fatto anneà 'no bastimento, chi aveva fatto caré alberi. Pure la borea ricette c'aveva fatto nquietà la fata Colina; questa chiuréva la finestra, e essa nce l'apréva. Finito re mangià, la mamma re li vienti mannava a curcà li sei figli e facette restà solo la borea, e le recette:
- Tu, figlia mmia, ai accumpagnà 'sto giovane ra la fata Colina.
La borea 'o portava addo' 'a fata Colina, che lo rimproveravo ca s'aveva fatto vasà ra 'a mamma, e se lo spusava. A lo spusalizio iérene pure li sette vienti e la matre