'Na vota ce steva 'na mamma e teneva 'na figlia. 'Nu juorno 'a vestette, 'a mettette 'mbraccia 'a serva, e 'a mannava a spasso. Chesta aveva fatto 'e chiacchiere co' 'a padrona soia, e ammènte iéva cammenànne, 'ngoppa a 'na via nove ce steva 'nu muntone 'e fave. Piglia, chella pusava 'a criatura 'ngoppa là e se ne iètte 'a casa soia. Ammènte chesta steva 'ngoppa a chillo muntone, passavano 'e fate e, berènnne ca chell'iera tantu bella, l'affatavano. Chesta se facette 'rossa, se mettette iessa sola 'ngoppa a 'na casa. Rimpètto a iessa ci steva 'nu giovene. Chisto, appena 'a verette, se n'annammuràva, le mammava 'a 'mmasciata, e decette ca isso 'a vuleva; e chella le recette ca no. Chillo, sempe c'asceva 'a fora 'o barcone, recéva:
- Vuie me vulite?
- No.
- Vi' ca i' me 'nzora.
- 'Nzuràteve e mannàteme 'o cartoccio ca i' m' 'o piglio.
E chillo, sempe c'asceva fora 'o barcone e faceva sempe 'a stessa storia, e chella le reve sempe 'a stessa risposta. Chillo piglia se 'nzurava, e le mannave 'o cartoccio. Recette iessa vicino a chella femmene, che ci 'o purtava, rice:
- Aspetta 'nu poco, ca voglio mannà 'nu bellu riale 'a sposa.
Rice:
- Lene, mettiteve 'ngoppa 'o fucilare - 'e lene ievano e se ce mettevano.
- Fuoco appìcciate! - e 'o fuoco s'appicciava.
- Trébbete, metteti 'ngoppa 'o fuoco! - 'o trébbete ieva e se ce metteva.
- Tiella, mettete 'ngoppa 'o trebbete! - 'a tiella ieva e se ce metteva.
- 'Nzogna, mettette rinto 'a tiella! - 'a 'nzogna se ce mettette.
Po' iette iessa vicine, mettette 'e mane rinto 'a tiella e butave sotto e 'ngoppa, rice:
- Cinche e cinche a rieci!
E, sùbeto, ascèttero dieci pisce. Iessa 'e mettette rinto a 'nu vacìle:
- Porta chisto 'a sposa.
Chella femmena, appena arreva 'a casa recette:
- Signurina mia, chella c'ha fatto!
Respunnette 'o marito:
- C'ha fatto?
- Chella steva assettàte vicino a 'o barcone a fatecà, m'ha fatto aspettà a me 'nu poco, po' ha ritto vicino 'e lene: Lene, mettiteve 'ngoppa 'o fuculare. E lene so' ghiute e se ce so' poste. Po' ha ritto: Fuoco ?????A
?'Na vota ce steva 'na mamma e teneva 'na figlia. 'Nu juorno 'a vestette, 'a mettette 'mbraccia 'a serva, e 'a mannava a spasso. Chesta aveva fatto 'e chiacchiere co' 'a padrona soia, e ammènte iéva cammenànne, 'ngoppa a 'na via nove ce steva 'nu muntone 'e fave. Piglia, chella pusava 'a criatur appìcciate! 'O fuoco s'è appicciàto; Trebbete, mettete 'ngoppa 'o fuoco! ' O trebbete se c'è posto. Tiella, méttete 'ngoppa 'o trebbete! 'A tiella, sùbeto, è ghiuto. 'Nzogna mettete rinto 'a tiella! 'A 'nzogna se c'è puoste. Po' s'è accustata iessa vicino, ha fatto co' 'e mmane rinto 'a tiella: Cinche e cinche a rieci! Ha fatto ascì 'ste dieci pisce, e v'ha mannàte.
Respunnètte 'a sposa:
- Tutto chess'iera! Oh! Chésse che ce vo' a fa'. Vulite veré ca' 'o faccio i' pure?
S'assettava 'ngoppa 'a seggia, e accummenzava a fa':
- Lene, mettiteve 'ngoppa 'o fuoco!
'E lene nu' se muvévano. Turnava a dicere n'ata vota:
- Lene, mettiteve 'ngoppa 'o fuoco!
'O sentette 'o servitore recette:
- Chesta 'a signora che dice: Lene, mettiteve 'ngoppa 'o fuoco.
Iette e c''e mettette isso. Chella, comme verette puoste 'e lene, rice:
- Fuoco appicciate!
Iette 'o servitore e l'appicciava.
- Tiella mettette 'ngoppa 'o fuoco!
'O servitore iette e ci 'a mettette.
- 'Nzogna, mettette rinto 'a tiella!
'O servitore ci 'o mettette. S'accosta iessa vicino e fa l'istessa funzione c'aveva fatto chella:
- Cinche e cinche a rieci!
'E déte ssoie facettero una lampa, facette 'a cangrena e murette. Chillu giovene turnava asci' 'a fora 'o barcone, e vere 'n'ata vota a chella, rice:
- Me vulite?
- I' giovene nu' v'aggio vulute, mo' ve piglio vìrele?
- Vuie m'avite fatta murì 'a mugliera, me vulite?
- No, v'aggio ritte ca nu' ve voglio.
- Vi' ca i' me 'nzore?
- 'Nzurateve e mannateme 'o cartoccio.
Chisto verette accussì, se 'nzurava e le turnava a mannà 'o cartoccio. Chesta recette vicino a chella che lo purtava:
- Aspetta c'aggia mannà 'nu riale 'a sposa - le facette 'na pizza doce, po' recette:
Lene, mettiteve rinto 'o furno - 'e lene se ce mettettero.
- Furno appicciate! - 'o furno s'appicciava.
Quanno 'o furno se facette, iessa iette, se sciugliette 'e capille e scupava 'o forno, 'nfurnava 'a pizza, 'a facette cocere e 'a mannava 'a sposa. 'A serva comm'arrivava rinto 'a casa rice:
- Signurina mia… e chella ch'ha fatto ?????A?!
'O signore se susètte 'a coppa 'a seggia:
- Zitto, zitto no' 'o dicere, ca chella m'ha fatto murì 'na mugliera, mo' me vo' fa murì chest'ata.
'A signora faceva fracasse c'o buleva sapé, 'a serva nu' s' 'o feràva 'e tené 'ncuorpo, e l' 'o decette. Chesta se susètte, rice:
- E tanto ce vuleva a fa' cheste, vuo' verè c' 'o faccio i' pure?
Iette rinto 'a cucina e facette 'a pizza, po' recette:
- Lene, mettiteve rint'o furno! - 'e lene nu' se mettévano, iett'o servitore e c'e mettette.
- Furno, appìcciate! - 'o servitore appicciava.
Quanno 'o furno se facette iessa se sciaravugliàva 'e capille e ghiette a scupà 'o furno; ammènte 'o steva scupànne, facette una lampa e murette. Chisto se turnava affaccià 'n'ata vota 'o barcone, vere 'a essa e rice:
- M'avite fatto murì roie mugliere, me vulite mo'?
- No, nu' v'aggio vulute giovene, mo' ve piglio vìrele 'e roie mugliere?
- Vi ca i' me 'nzore?
- 'Nzurateve e mannateme 'o cartoccio.
Chisto se 'nzurava e nu' le vulette mannà 'o cartoccio. Chella rummanette currìvo e sturiava 'o more comme l'aveva fà murì chell'ata mugliera. 'Nu iuorno iessa steva a fatecà fora 'o barcone, verette 'o servitore e chella affacciata, menava 'o litàle abbascia, po' pigliava 'o curtielle, se tagliava miezu rite e 'o menava abbascia. Recette:
- Rite, va piglio 'o litale!
'O rite pigliava 'o litale, ci 'o purtave e po' s'azzeccava 'n'ata vota vicino 'o rite. 'O servitore se ne trasette 'a rinte e 'o decette a signora. Chesta recette:
- Embè, chesse po' che ce vo' a fa?
Ascètte fora 'o barcone e menava 'o litale abbascio, pigliava 'e curtielle, se tagliava 'o rito:
- Rite, va me piglio 'o litale.
'O rite addo' carette là rummanette e iessa se ne trasette, e doppo poco tiempo murette. 'O marito steve proprio resperato ca chella le faceve murì tutte 'e mugliere; turnava ascì fora 'o barcone, verette a essa:
- Vuie me vulite?
- Nu' v'aggio vulute giovene, mo' me piglio a buie ca site vìrele 'e tre mugliere. Cchiù priesto nu' me mengo 'a mare!
Chisto verette ca chella l'aveva r ?????A
?ate chella resposta, se ne trasette 'a rinto, rice:
- Va buono, ci aggia fa' i' nu currìvo!
Quanno fuie 'a matina, a primma matina, ietta 'ngoppa addo' chella, annuscuse ssuie, trasette rinto - chella aveva puoste a fa 'o bulite -, chillo iette rinto 'a cucina, attaccava tutte 'e cucchiare e ie cucchiarelle 'e chella, e po' s'annascunnette sotto 'o lietto. 'O pignate ca steva vicino 'o fuoco faceva:
- Signo', i' ca i' ma ietto.
- Cucchiare, arriva; scòmmele - rispunnette iessa.
E 'o cucchiare:
- Signo', stonche attaccate.
Ma iessa però sapeva ca chillo aveva attaccate 'e cucchiare e ie cucchiarelle, e ca steva sotta 'o lietto, pecché chella iera affatata. Ma se steva zitta. 'N'atu poco 'o pignate 'n'ata vota:
- Signo', i' ca i' m'ietto.
- Cucchiare, arriva, scòmmele.
- Signo', stonche attaccate.
Chesta se verètte sbelùta, rice:
- Se nu' fosse pe' chella luna e chillu sole, mo' l'accirarrìa proprio.
Piglia chillo ascètte 'a sotto 'o lietto, recette:
- Fermate ca i' sotto 'o lietto stonche.
Chesta po' s'o spusave, e accussì stettero po' felice e cuntente.