'Na vota ce steva 'nu marito e 'na mugliera. Chesta, 'a mugliera, iera 'nu poco sfatecata, nu' buleva fatecà e faceva, sempe:
- Gioia mia, vularrìe fa' 'na vota 'a signora.
'O marito p' 'a fa' fatecà le recette:
- Statti zitta, ca se fatica, t' 'a faccio fa'.
Chesta, pecché aveva fa' 'a signora, fatecàva sempe; e spisse spisse faceva vicino a 'o marite:
- Quanno me faje fa' 'a signora?
'O marito, 'na vota, le respunnette:
- Embè, fatica anzi 'a stasera ca dimane t' 'a faccio fa'.
Quanno fuie 'a matina, chisto aveva già affittate e panne 'e signore, 'na pultrona, e tutte cose. Piglia, no' 'a facette sòssere, se sussètte isso, l'accattava 'o cafè e lo purtava rinto 'o lietto. Quanno fuie 'o chiù tardi iette vicino:
- Signurì, ve vulite arzà?
- M'arzo.
Se sussètte, e 'o marito l'aiutava a bestì, assettava 'ngoppa 'a seggia e le mettette 'e stivalette. E iessa si iette assettà rinto 'a pultrona, vicino 'o barcone, e se mettette cu' 'nu ventaglio 'mmane, e se sciusciava sciusciava. 'O marito recette:
- Signurì, i' esco, vaco a piglià 'a carne. Comme 'o bulite, pe' bòllere, a 'o tiane, o arruste?
- Pigliale a 'o tiane, amméne facimme roie brasciolette.
Chisto iette, purtava 'a carne, recette:
- Signurì, i' 'o metto 'ngoppa a 'sta tavula, e vaco a piglià 'e maccarune 'ntramente.
- Va!
Chillo iette e se teràva sule 'a porta, e nisciuno 'a ghiurètte, pecché chella steve fa- cenne 'a signora. Trasètte 'nu cane e addiritto addiritto iette a da' 'ngopp'a tavola, addo' steva 'a carne, e s''o pigliave mmocca e s''o stava mangianne. Chella steva assettate 'ngopp'a' seggia e se ventigliava, e nu' se susséva a caccià 'o cane. Faceva sulo:
- Pas, pas! Se mo' nu' stesse facènne 'a signora, te vulesse rompere bone l'osse. Pas, pas!
'O cane nu' se n'incarricava, pecché nu' se veréva sucutàte; e tanne se ne iette, quanno s'aveva firnuto 'e mangià 'a carne. Venette 'o marito, recette:
- Signo', addo' sta 'a carne, p' 'o mettere a cocere?
- Chillu è benuto 'nu 'mbise 'e cane mariuolo e s'ha mangiato. I' faceva: pas????[???i?i???????????????‡???????????????????????????????????????>??{
?, pas e chillo s''a mangiato 'a carne, e zitto; e i' pecché faceva 'a signora, nu' m'aggio putu- to arzà.
Respunnette 'o marito:
- Ma tu, core mio, nun 'a saie fa' bona 'a signora; mo' t'a faccio fa' i'.
Pigliava 'nu bastone e le rumpette l'ossa, e po' recette:
- Te', accussì se fa' 'a signora. Tu no' 'a saie fa' bona!