'A vorpa teneva na terra co' 'a calandra. Quanno fu 'o tiempo 'e zappà, rice 'a vorpa vicin' 'a calandra:
- Fa' tu ca sì' cchiù pràttica!
E 'a calandra fatecava sul'essa. Semmenàvo, levavo l'èreva malamente… mènte 'a volpe no' voleva sente nienti. 'A calandra faceva:
- Mannaggi'a tte! Po' èsse c'aggia fatecà sul'io?
Metivo 'o grano, 'o accoglivo, 'o trebbiavo. Mò s'aveva sparte tutto. Rice 'a volpe vicin'a calandra:
- 'O grano a mme, 'a paglia a tte!
Dice 'a calandra:
- Cooome!? Io aggio zappato, aggio semminato, aggio mietuto…
- Aòh! 'O grano è mmio… e basta! - e li mostravo 'e rienti.
- E va buo' - fece 'a calandra.
- E mò nce spartimo 'o riesto: 'a paglia a mme, 'e puche a tte.
- Cooome! Pure 'a paglia te vuo' piglià tu?
Ivo 'a volpe, ca se voleva trovà sempe a coppa, e disse:
- Mò si parli ancora, te mangio pure.
Sto povero auciello se ne volavo e se ne ivo pe' 'e fatti sua. Chiagnéva e penzava:
- Questa m' 'a ddà pagà!
Volanno volanno, vedivo miezz'a no campo no cane rognùso. 'O chiamavo:
- Còmpa cane!
- Che t'è succieso, cammarella mia? Tu chiagni.
- M'è succieso accossì, accossì e accossì… pecché no' mm'aiuti? Io te faccio passà 'a rogna, te fazzo fa' na risata e te fazzo veré pure 'o paraviso.
- Sì, va buo'. E c'aggia fa'?
- Tu m'hé a aiutà accìre 'a vorpa.
- Va buo', ma prima me fai passà 'a rogna e me fai fa' 'a risata.
- Si vuo' accossì, accossì facimo! Viri ca dimane matina, qua vicino, passa na fem- mena ca va a 'o mercato. Tene na sporta ncapo e porta uoglio. Tu t'annascùnni. Io esco nnanzi a essa…
'O juorno appriesso 'a calandra se mettivo miezz'a via e aspettava ca passava sta fémmena. Chesta, comm'arrivavo e vedivo 'a calandra miezz'a via, disse:
- Che bell'auciello, che bell'auciello!
Posavo 'a sporta nterra e corrivo appriesso 'a calandra pe' l'acchiappà. Allora 'o cane rognùso ascìvo a rèto a na sèpe, ittavo tutto pe' terra e s'ammosciniàvo rint'a l'uo- glio. Accossì li passavo 'a rogna. 'A calandra, quanno vedivo ca 'o cane aveva fatto tutto, votavo 'e ascelle e se ??????A
ne volavo ncielo.
- Ah, chillo fetente 'e cane che mm'è fatto! - alloccavo 'a femmena.
'A calandra ivo add' 'o cane, risse:
- Mò t'aggia fa fa' na risata. Dommenica, quanno 'o prèvete rice 'a messa, tu mìtteti arret'a porta…
'A dommenica 'o cane s'annasconnìvo arret'a porta rint'a chiesa. Si no 'o cacciavano. Com- me 'o prèvete accommenzavo a dice 'a messa, 'a calandra volavo ncopp'a chierica d' 'o prèvete. E chisto risse vicin' 'o sacrestano:
- Caccia fore st'auciello.
'O sacrestano pigliavo 'o stutacannéla e nce 'o divo ncapo a 'o prèvete. L'ascìvo tutt' 'o sango. Tutta 'a ggente ca riréva. E riréva pur' 'o cane. Disse 'a calandra:
- 'A rogna t' 'a aggio fatto passà, 'a risata t' 'a aggio fatta fa'… mò avimm'accìre 'a vorpa - e 'o portava vicin' 'o campo. 'A vorpa passa sempe pe' qua. Aspetta quanno vene, e 'a ac- cire. I' po' te fazzo veré 'o paraviso.
Doppo no poco:
- 'A vi' llà, 'a vi'!
'O cane corrivo pe' 'a piglià. 'A vorpa s'annasconìvo rind'a tana, e 'o cane 'a puntava llà vicino. 'A vorpa se lamentava:

Uocchi belli mii, ca aviti visto tanto, vrecchie belle mie, c'aviti sentuto tanto,cosce belle mie, ca aviti fuiùto tanto…

Ma 'a vorpa faceva:
- Iesci fore, iesci fore!
'A vorpa ascìvo a l'ata parte co' 'o culo a fore: 'o cane l'afferravo co' 'e rienti, e 'a tiravo. 'A tiravo fore, e l'accirivo. Vène 'a calandra, rice:
- Mò ca m'è fatto sto favore, t'aggi'a fa' veré 'o paraviso.
L'auciello pigliavo 'o cane co' 'e zampe, e 'o portavo a ll'aria. Ntanto riceva:
- Compà, tu mantieniti!
E 'o cane:
- Commà, addo' me mantengo? Io no nci 'a faccio cchiù!
'A calandra volava sempe cchiù ncoppa, sempe cchiù ncoppa. A l'ùrdemo rice:
- Compà, chisto è 'o paraviso - e 'o lassavo.